Ligue 1

Nan yon kominike ki pibliye jodi samdi 3 Jen an, Paris Saint-Germain konfime Lionel Messi ap kite klèb la aprè ekspirasyon kontra l k ap rive nan dat 30 jen k ap vini la.

Atakan ajanten an ki t ap evolye sou koulè ble e wouj parizyen an depi lè li kite FC Barcelone ete 2021 an, separe avèk klèb fransè a aprè sèlman de sezon ki se dire kontra sa ant li avèk klèb la.

Nan kominike sa ki pibliye a, Direksyon PSG a remèsye chanpyon dimond ajanten an pou de sezon sa yo li pase nan kapital peyi Lafrans lan kote li ede klèb la ranpòte prensipalman de chanpyona Frans.

Pou kounya, Lionel Messi lib pou siyen ak nenpòt lòt klèb ki ta vle gen sèvis li. Ant retounen lakay li nan FC Barcelone ak ale nan Saudi Pro League la nan peyi Arabi Sawoudit, Pulga a ap gen pou chwazi nan pa twò lontan.

KÒMANTÈ

Dènye atik yo