Premye Divizyon

Nan kad match k ap konte pou dènye jounen chanpyona espesyal ayisyen an, Juventus des Cayes ki gen tèren Land des Gabions an pou resevwa menm jan ak America ap genyen pou l resevwa lidè gwoup C a demen dimanch lan ak entansyon pou fè viktwa nan dènye sòti yo.

An deplasman nan match ale dezyèm jounen chanpyona, America te enpoze l fas Juventus (1-0). Pou seri retou a, Solo yo ki okipe dènye plas gwoup C a pral tante pran revanj yo sou Kòlòs yo ki kontinye domine klasman an. Rankont sila ap konte pou dènye jounen faz gwoup yo.

Deja kalifye nan gwoup C a pou playoffs menm jan ak Real Hope FA nan gwoup A, America des Cayes pa gen twòp obligasyon pou viktwa paske l pa gen gwo anje sou pwen men, pa rapò ak palmarès yo nan dèbi kayen an, Kolòs yo pa gen pou vann po yo bay ble e blan yo ki swete pran revanj yo nenpòt jan sa ye.

KÒMANTÈ

Denye atik yo